JARDUERAK

Zer jarduera egiten ditugu?

Mendia, eskalada, espeleologia, eskia, errepideko txirrindua, mendiko txirrindua, astialdiko eta naturako lantegiak, mikologia, proiekzioak, hitzaldiak, mahai inguruak, eta abar.

MENDIA

Mendi jarduera gisa, txangoak edo irteerak egingo ditugu. Egutegi batean agertuko dira. Egutegi hori, horretarako kontrataturiko begiraleek eta elkarteko abonatuen ordezkari izango den gazte batzorde batek prestatuko dute. Parte hartu nahi duten gazte guztientzat zabalik dago aipaturiko gazte batzordea.
Begiraleak kontratatu eta ordaindu egingo dira (kolaborazioak ere onartuko dira). Ezagunen artean hautatuko dira begiraleak, ahal bada.
Aterpetxe bat izaten saiatuko gara, erraz iristeko moduko mendialde edo herrigune batean, zuek begiraleekin egingo dituzuen izadiko lantegiak edo ikastaroak nahiz bestelako jarduerak aurrera eramateko.
Egutegiari jarraituz, eta zuen proposamenen arabera, irteerak egingo ditugu Urbasara, Eribera, Barriara, Sobronera, Pirinioetako udalekuetara, Untxien uhartera edo beste toki batzuetara. Bizikidetza jardunaldiak ere egingo ditugu.

ESKIA

Irteera programatuak egingo ditugu, elurretara joateko; batez ere, Somporteko eta Candanchuko (Huesca) eskiguneetara. Modalitateak: alpetar eskia, iraupen eskia eta erraketak. Snowboard ere egingo dugu, beharbada.

ESPELEOLOGIA

Irteerak egingo ditugu Euskal Autonomia Erkidegoko haitzuloetara, jardueren egutegian programatuta. Gure begiraleekin eta jarduera horretan espezializatutako elkartekideekin joango gara.

KIROL ESKALADA

Kirol eskaladako ikastaroak egingo ditugu Ariznabarrako eskalada murruan, Hegoalde gizarte etxekoan...

ARROKAKO ESKALADA

Hasteko edo erreskateko ikastaroak egingo ditugu Eginon, Arabako Eskalada Eskolako begiraleekin eta elkarteko begiraleek lagunduta.

TROKETATIK JAISTEA

Jarduera begirale profesionalekin egingo da, Huescan gehienbat.

MENDIKO BIZIKLETA

Egutegian zehaztutako irteerak egingo ditugu, begiraleekin.

TXIRRINDUA

Egutegian zehaztutako irteerak egingo ditugu, begiraleek eta txirrindulari profesionalek lagunduta, bidegorriak erabiliz (bidegorri asko baitago Araban).

KIROL EDO KULTURA BEKAK BABESTEA

Administratzaileek, Zuzendaritza Batzordeak edo Artezkaritza Kontseiluak, babes bekak eratuko dituzte, kirolari gazteei aurrerabidea eskaintzeko, goragoko kategorietarantz edo interesekotzat deklaratutako kirol proba nabarmenetarako.